Жанубий Aфрика Республикасининг собиқ президенти Жейкоб Зума Эсткур шаҳридаги касалхонага ётқизилди. Бу ҳақда Reuters хабар бермоқда.
Маълумот учун Зума судга ҳурматсизлик айби билан 15 ойлик қамоқ жазосига ҳукм қилинган.
79 ёшли собиқ президент Зума ўзига нисбатан коррупция бўйича суд жараёни бошланишидан бир неча кун олдин касалхонага тушган.
"Ҳар бир маҳбус, ҳатто жазоси қонуний кучга кирган маҳкум ҳам, жазони ўзининг инсоний қадр-қимматини, шу жумладан, даволаниш ҳуқуқини ҳурмат қилиш билан ўташга ҳақли", — дейилади Жазони ижро этиш вазирлиги баёнотида.
Хабарларга кўра, Зуманинг аҳволи қониқарли. Аммо, унинг қандай касал билан оғригани маълум эмас.
