Ўзбекистон Республикаси Мустақиллигининг 30 йиллиги байрами арафасида йўловчиларга қулайлик яратиш мақсадида, 30, 31 август ҳамда 1 сентябрь кунлари “Тошкент-Самарқанд-Тошкент” йўналишида 764/763-сонли “Afrosiyob” юқори тезликда ҳаракатланувчи замонавий поездларининг қўшимча қатнови йўлга қўйилади. Бу ҳақда “O‘ztemiryo‘lyo‘lovchi” AJ хабар берди.
Унга кўра, 764-сонли “Afrosiyob” замонавий поезди ушбу кунларда Тошкент марказий темир йўл вогзалидан 08:30да, 763-сонли поезд эса Самарқанд темир йўл вогзалидан 17:00 да ҳаракатини амалга оширади.
"Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олишингиз мумкин", — дейилади хабарда.
