Дмитрий Киселёв "Вести недели"да янги Ўзбекистон ва мустақилликнинг 30 йиллиги ҳақида гапирди.
"... Агар илгари мамлакатнинг деярли бутун иқтисодиёти унинг пахтасида бўлган бўлса, янги Ўзбекистон – бу турли соҳаларнинг юзлаб юқори технологияли корхоналаридир", –дея қайд этишди "Россия" телеканали журналистлари.
"Россия 24" телеканалининг "Вести недели" кўрсатувида Дмитрий Киселёв иштирокидаги Учинчи Ренессанснинг янги даврига қадам қўяётган Ўзбекистонда шу кунларда нишонланаётган Мустақиллик байрами ва мамлакат ютуқларига бағишланган лавҳа узатилди.
"Вести" мухбири Роберт Францев ўз репортажида мустақилликнинг 30 йиллик тўйи – бу ўзбек халқининг бутун тарихий йўлини, келажак сари илдам бораётган кучли, демократик давлатни шакллантириш жараёнларини эслаш учун имкониятдир, деб таъкидлади. Лавҳада замонавий қаҳрамонлар мисолида мамлакатнинг янги тарихи қандай ёзилаётгани ҳақида ҳикоя қилинган. Улардан бири – Токио Олимпиадаси ғолиби, Ўзбекистонга олтин медаль келтирган спортчи Улуғбек Рашитов.
Сюжетда Янги Ўзбекистон боғининг тантанали очилишига, унинг рамзий ёдгорликлари ва меъморий иншоотларига алоҳида эътибор қаратилди.
Телеканал мухбири мамлакатнинг иқтисодий ривожланиши ҳақида ислоҳотлар ва тараққиётнинг етакчи кучи сифатида алоҳида ҳикоя қилди.
