Аввал хабар қилганимиздек, Россия Федерацияси Фавқулодда вазиятлар вазири Евгений Зиничев хизмат вазифасини бажараётган пайтда фожиали ҳалок бўлди.
Ўзбекистон Фавқулодда вазиятлар вазирлиги бошлиғи Турсинхон Худайбергенов Россия Федерациясининг фуқаролик мудофааси, фавқулодда вазиятлар ва табиий офатлар оқибатларини бартараф этиш вазири Евгений Зиничевнинг вафоти муносабати билан ҳамдардлик билдирди. Бу ҳақда вазирлик Ахборот хизмати хабар бермоқда.
"Йўқотиш дардини Евгений Зиничевнинг қариндошлари ва дўстлари билан биргаликда баҳам кўрамиз. Бу мотамли соатда уларга самимий таъзиямизни этказишингизни сўраймиз". - дейилади Россия қутқарув бўлимига юборилган мактубда.
Маълумот учун, Зиничев Дудинка шаҳрига Красноярск ўлкаси губернатори Aлександр Усс билан бирга янги ўт ўчириш пункти қандай қурилаётганини текшириш учун келган. Ўша жойга суратга олиш учун келган РТ телеканали бош муҳаррири Маргарита Симонян ўз телеграм каналида воқеа тафсилотларини ёзиб қолдирган. Унинг ёзишича, вазир ва оператор жарлик четида туришган, оператор сирғалиб сувга тушиб кетган. Зиничев уни қутқариш учун югуради ва чиқиб турган тошга урилади. Шу тарзда оператор ҳам вазир ҳам вафот этишган.
