Жорий йилнинг 13–21 сентябр кунлари Ўзбекистоннинг бир нечта шаҳарлари –Тошкент, Хива ва Нукусда анъанавий тадбирга айланган Маданий мерос ҳафталигининг бир қатор ёрқин маданий тадбирлари ўтказилади. Ҳафталик доирасида Ўзбекистон фуқаролари ва хорижлик меҳмонларни мамлакатимиз санъатининг ноёб дурдоналари билан таништириш мақсадида ўндан ортиқ кўргазмалар ўтказиш режалаштирилган. Бу ҳақда ЎзЭОАВМА хабар бермоқда.
Жумладан, археолог, Ўрта Осиё маданияти тадқиқотчиси Леон Семёнович Баршевскийнинг “Ўзбекистон тарихи фотосуратларда”, “Марказий Осиё картографияси: фан ва геосиёсат ўртасида” фотокўргазмалари, “Ўзбекистоннинг 100 та буюк дурдона қўлёзмалари” номли фотокўргазмалари намойиш этилади. Шунингдек, Риштон кулолчилик буюмлари кўргазмаси, Шаҳрисабз ва Самарқанд ёдгорликларига виртуал саёҳат “Замонавий илм-фанда 3Д-технологияси”, видеоарт, Ж.Усмоновнинг “A.Навоий шеърияти” фотокўргазмаси, Миллий банкнинг нумизматик тўплами кўргазмалари ва бошқа кўплаб тадбирлар бўлиб ўтади.
