2021 йилнинг сўнгги чораги якунларига кўра, Американинг “Apple” компаниясининг даромади ўтган йилга нисбатан 29 фоизга ошган. Бу ҳақда ТАСС хабар берди.
Қайд этилишича, 25 сентябрда якунланган уч ойлик ҳисобот даврида компаниянинг даромади 83,4 миллиард долларни ташкил этган. Таққослаш учун, 2020 йилнинг шу даврида бу кўрсаткич 64,7 миллиард долларга етган. Ўтган чоракда компаниянинг соф фойдаси 20,5 миллиард долларни ташкил қилиб, у ўтган йилга нисбатан 12,6 млрд доллар кўп.
Эслатиб ўтамиз, компаниянинг асосий маҳсулоти IPhone бўлиб қолмоқда. Бу смартфонларнинг бутун дунё бўйлаб сотувидан тушган даромад чоракда 38,8 миллиард долларни ташкил қилган. Молиявий йилда эса бу кўрсаткич 191,9 млрд долларга етган.
