Tuttosport нашри 2021 йил якунларига кўра, Европанинг 21 ёшгача бўлган энг яхши футболчисига топшириладиган Golden Boy соврини соҳибини эълон қилди.
Унга кўра, «Барселона»нинг 18 ёшли яримҳимоячиси Педри ушбу совринга муносиб деб топилди.
Испаниялик ўйинчидан ташқари, ушбу соврин учун Карим Адейеми («РБ Зальцбург»), Жуд Беллингем («Боруссия» Дортмунд), Эдуардо Камавинга («Реал»), Шарль де Кетеларе («Брюгге»), Гави («Барселона»), Брайан Ҳиль («Тоттенҳэм»), Райан Гравенберх («Аякс»), Мэйсон Гринвуд («Манчестер Юнайтед»), Даниэль Мальдини («Милан»), Жамал Мусиала («Бавария»), Нуну Мендеш («ПСЖ»), Роберто Пикколи («Аталанта»), Йереми Пино («Вильярреал»), Жованни Рейна («Боруссия» Дортмунд), Родриго («Реал»), Букайо Сака («Арсенал»), Флориан Виртц («Байер»), Вильям Салиба («Марсель»), Юрриен Тимбер («Аякс») сингари ёш ўйинчилар ҳам даъвогарлик қилганди.
Соврин 15 декабрь куни Туринда футболчига топширилади.
Маълумот учун, ўтган йил «Golden boy» соврини «Боруссия» форварди Эрлинг Ҳоландга насиб қилганди.
