Бухоро шаҳрида жойлаштириш воситалари ходимлари учун Туркия Республикаси Маданият ва туризм вазирлигининг малакали мутахассислари иштирокида ўқув-семинарлари ўтказилди.
Ўзбекистон Республикаси Туризм ва спорт вазирлиги ҳузуридаги “Спорт ва туризм хизматларини сертификатлаш маркази” ДУК томонидан ўтказилаётган мазкур машғулотлар жойлаштириш воситаларида кўрсатиладиган хизматлар сифатини янада яхшилашга қаратилган.
Ўқув-семинар Бухоро вилояти Туризм ва спорт бош бошқармаси билан ҳамкорликда жойлаштириш воситалари ходимларини жалб этган ҳолда, кутиб олиш ва жойлаштириш хизмати (reseption), жойлаштириш воситасининг маълум қавати хизматчиси (housekeeping), сервис (F&B) йўналишлари бўйича олиб борилди.
Бугун 11-декабр ўқув-семинарнинг якуни бўйича иштирокчиларга Туркия Республикаси Маданият ва туризм вазирлиги томонидан сертификатлар топширилди.
