Япония пойтахти Токиода сўнгги 24 соат ичида рекорд даражадаги COVID-19 коронавирусини юқтириш ҳолатлари аниқланди. Бу ҳақда NHK хабар бермоқда.
Қайд этилишича, охирги суткада 21,500 дан ортиқ киши коронавирус юқтириб олган. Бу ўтган жума куни ўрнатилган олдинги рекорддан деярли 4,000 га кўп. Токиода пандемиянинг бутун даврида биринчи марта кунига инфекциялар сони 20 мингдан ошди.
Аввалроқ шаҳарда "омикрон" штамми туфайли касалланиш ҳолатлари кўпайишига қарши кураш бўйича кучайтирилган кампания кучайтирувчи дозалар билан эмлашни тезлаштириш учун махсус марказ очилгани хабар қилинганди. Ушбу марказда 18 ёшдан ошган одамлар Модерна вакцинасининг учинчи дозасини олишлари мумкин.
Йил бошидан буён бутун мамлакат бўйлаб COVID-19 билан касалланиш даражаси ўсиб бормоқда, хусусан, 31-январm ҳолатига кўра, 85 мингта инфекция ҳолати қайд этилган, бу пандемия бошланганидан бери энг юқори кўрсаткичдир.
