2022 йилнинг январь ойида Ўзбекистон Республикасининг ташқи савдо айланмаси 3,5 млрд. АҚШ долларига тенг бўлди. Бу ҳақда Давлат статистика қўмитаси маълум қилди.
Хабарга кўра, экспорт ҳажми 1,4 млрд. долларга етган. Шундан маҳсулотлар экспорти ҳажми 1,2 млрд. долларни, хизматларнинг улуши эса 176,5 млн. долларни ташкил қилмоқда.
Импорт ҳажми эса 2,1 млрд. долларга тенг бўлиб, шундан 1,9 млрд. доллар маҳсулотлар ҳиссасига, 147,1 млн. доллар эса хизматлар ҳиссасига тўғри келмоқда.
