Россия ва Украина ўртасидаги маслаҳатлашувларнинг навбатдаги раунди якунланди. Бу ҳақда "Интерфакс" маълум қилди.
Қайд этилишича, муҳокама ёпиқ эшиклар ортида, уч соатдан ортиқ вақт давомида давом этган. Учрашув давомида томонлар бир маротаба танаффусга чиққан.
“Гуманитар коридорларнинг логистикасини яхшилашда ижобий силжиш бор", - дейди Украина президенти офиси раҳбари маслаҳатчиси Михаил Подоляк.
Унинг таъкидлашича, интенсив маслаҳатлашувлар давом этмоқда.
"Ўт очишни тўхтатиш ва хавфсизлик кафолатлари билан бир қаторда тартибга солишнинг асосий сиёсий блоки бўйича интенсив маслаҳатлашувлар давом этди", деди Подоляк.
