Шимолий Македония беш нафар россиялик дипломатни мамлакатдан чиқариб юборишни талаб қилмоқда. Бу ҳақда маҳаллий MIA ахборот агентлиги маълум қилди.
Қайд этилишича, Россиянинг Скопедаги элчиси Сергей Баздникин Ташқи ишлар вазирлигига чақирилган. У ерда унга Россия элчихонасининг беш нафар ходими мамлакатда бўлмаслиги айтилган.
Болқон ярим оролидаги давлат органларининг бундай қарорга келиш сабаблари ҳозирча маълум қилинмаган.
