Руминияда бокс бўйича "Golden Belt" номли халқаро турнир ўз якунига етди. Унда иштирок этган Ўзбекистон терма жамоаси 6 та олтин медаль билан умумжамоа ҳисобида биринчи ўринни қўлга киритди. Бу ҳақда Ўзбекистон Миллий Олимпия Қўмитаси хабар бермоқда.
Маълум қилинишича, мусобақада 10 нафар ўзбекистонлик боксчи финал йўлланмасини қўлга киритган ва 3 та вазнда ўзбек ўғлонларининг чемпионлик учун ўзаро рингга кўтарилиши жамоа камида 3 та олтин медални нақд қилишидан далолат берар эди. Якунда боксчилар 6 та олтин, 4 та кумуш ва 3 та бронза медалларини қўлга киритишган. Бундай натижага турнирда иштирок этган ҳеч қайси жамоа яқинлаша олмаган.
Руминиядаги мусобақада ғолиб ва совриндор бўлган ўзбек боксчилари билан танишинг:
Олтин:
-48 кг: Асилбек Жалилов
-54 кг: Шаҳзод Музаффаров
-67 кг: Жавлон Юлдашев
-75 кг: Саиджамшид Жаъфаров
-80 кг: Дилшод Рўзметов
+92 кг: Лазизбек Муллажонов
Кумуш:
-75 кг: Абдулазиз Абдупаттаев
-80 кг: Одилжон Аслонов
-92 кг: Диёр Ўралов
+92 кг: Жаҳонгир Зокиров
Бронза:
-57 кг: Дилшод Абдумуродов
-60 кг: Шунқор Абдурасулов
-63,5 кг: Шохруҳбек Кенжаев.
