Индонезиянинг Ява оролида рўй берган сув тошқини ва ер ўпирилиши оқибатида қурбонлар сони 56 таги етди ва 22 киши тан жароҳати олди, деб хабар берди “РИА Новости” нашри.
Илгари қурбонлар сони 43 киши деб хабар берилган эди, айни вақтда 9 киши бедарак йўқолган. Нашрнинг хабар бериши ча, бедарак йўқолганларни қидириб топиш бўйича қутқарувчилар, ҳарбий аскарлар, полициячилар ва кўнгиллилар қидирув ишларини олиб бормоқдалар.
Оролнинг марказий қисми бошқа ҳудуддан кўра жиддий талафот олган. Мавсумий ёмғирлар ҳар йили Индонезияда миллионлаб аҳоли яшайдиган тоғли ҳудудлар ва текисликларда сув тошқини ва ер ўпирилишларига сабаб бўлади.
