Бугун, 17 сентябрь куни АҚШнинг “Интер Майами” клуби Мексиканинг “Крус Асуль” жамоасини 2:0 ҳисобида мағлуб этди. Учрашувда Лионель Месси 24-дақиқада, Каземиро эса 81-дақиқада гол урди.
Месси мазкур баҳсда “Интер Майами” сафидаги 115-ўйинида 100-голини киритди. Шу билан бирга, унинг профессионал фаолиятидаги голлари сони 929 тага етди.
Месси “Интер Майами” билан бугунги кунга қадар бешта совринни қўлга киритган. У клуб билан 2023 йилда Шимолий Америка Лига кубоги, 2024 йилда MLS мунтазам мавсуми, 2025 йилда Шарқий конференция плей-офф босқичи ва MLS чемпионатида ғолиб чиққан.
Футболчи фаолиятидаги энг кўп совринни “Барселона” билан қўлга kiritgan — 35 та. Шунингдек, Месси Аргентина терма жамоаси билан олтита, “Пари Сен-Жермен” билан эса учта совринга эга.
Шу тариқа, 49 та соврин билан Месси футбол тарихида энг кўп соврин қўлга киритган футболчи сифатида қайд этилмоқда. Унинг собиқ “Барселона”даги жамоадоши Дани Алвес 43 та соврин билан кейинги ўринда.
