"Ўзбекфильм" киноконцернида Кинематография агентлиги Бош директори Фирдавс Абдухолиқов бошчилигида 12-17 сентябрь кунлари ўтказиладиган "Ипак йўли дурдонаси" Тошкент халқаро кинофестивалига бағишланган йиғилиш бўлиб ўтди. Унда Агентлик раҳбарияти, тизим ташкилотлари, мутахассислар ҳамда ходимлар иштирок этишди.
Йиғилишда Президент Шавкат Мирзиёев ташаббуси билан қайта тикланган Тошкент халқаро кинофестивалининг жорий йилги тайёргарлик масалалари муҳокама қилинди. "Ипак йўли дурдонаси" Тошкент халқаро кинофестивали бу йил Шанхай Ҳамкорлик Ташкилоти Саммити доирасида ўтказилади. Йиғилишда шунингдек, кинофестивални юқори савияда ўтказиш, шунингдек, фестиваль доирасидаги танловлар, фильмлар кўриги, хорижлик мутахассис ва ижодкорларни таклиф этиш, локациялар, жараёнларни ёритиш масалалари, техник таъминот, ижодий ҳамкорликлар каби масалалар муҳокама қилинди.
Бу йилги кинофестиваль доирасида "Хориж кино кунлари", талабалар учун "Кино 5 кунда" кинолойиҳалари питчинг тақдимотлари, шоу концертлар, эксклюзив кино дастурлар, маҳорат дарслари, давра суҳбатлари, флешмоб ва кутилмаган томошалар бўлиб ўтиши режалаштирилмоқда.
