Қандли диабетни илк аломатидан олдин аниқлаш йўли топилди

САЛОМАТЛИК 19.08.2022, 22:14
Қандли диабетни илк аломатидан олдин аниқлаш йўли топилди

Бу учун дастлаб жониворларда тажриба ўтказилган.

Швейцариянинг Женева университети олимлари қандли диабетни касалликнинг илк белгилари пайдо бўлишидан аввал аниқлаш имконини берувчи молекулани топди.

Маълум қилинишича, яллиғланиш диабет ривожланишида асосий роль ўйнайди. Жумладан, ошқозон ости безининг ёғга тўлиб қолиши ва зарарланиши инсулин ишлаб чиқарувчи бета-ҳужайралар фаолиятини ўзгартиради ҳамда уларнинг камроқ гормон ишлаб чиқаришига сабаб бўлади. 

Қисқа қилиб айтганда, бета-ҳужайралар зарарланиши ушбу касалликнинг белгиси ҳисобланади. Шундан келиб чиқиб, тадқиқотчилар сунъий интеллект ва молекуляр биология усуллари ёрдамида тажриба ўтказди. Бу ҳақда Соғлиқни сақлаш вазирлиги Матбуот хизмати берган хабарида сўз боради.

Қайд этилишича, натижа минглаб молекулалар орасидан айнан ошқозон ости бези бета ҳужайралари шикастланишини энг яққол ифодаловчи турини кўрсатган. Бу 1,5-ангидроглюцитола (1,5-АГГ) молекуласи бўлиб, танада унинг камайиши бета-ҳужайралар танқислигидан далолат бериши айтилади.

Дастлаб жониворларда муваффақиятли ўтказилган тажриба навбатдаги босқичда одамларда синаб кўрилган. Бу жараёнда қандли диабетга чалинган ва соғлом инсонларнинг 1,5-ангидроглюцитола миқдори солиштирилган.

“Қандли диабет билан касалланганларда 1,5-АГГ даражаси сезиларли миқдорда пасайишига ишонч ҳосил қилдик. Бу хасталикнинг дастлабки белгилари бошланишидан олдин ҳам кузатилиши қайд этилди”, — дейди тадқиқот бош муаллифи Сесилия Хименес-Санчес.

Маълумот ўрнида, мазкур кашфиёт қандли диабет профилактикасига доир қулай ва арзон усулларни ишлаб чиқишга ёрдам бериши мумкин. Чунки 1,5-АГГ даражасини оддий қон текшируви ёрдамида осонгина аниқласа бўлади.

Шарҳлар

Об-ҳаво: Тошкент
+-6.03° tumanli
Валюта курси
11260.49
USD -24.41
11796.49
EUR -45.88
178.99
RUB -0.23
1