Бугун, 10 октябр куни Киев марказида ракеталар келганидан кейин кучли портлашлар содир бўлди. РИА Новости хабарига кўра, снарядлардан бири Украина Хавфсизлик хизмати бош қароргоҳи ва президент девони жойлашган Володимирская кўчасига тушган.
Киев мери Виталий Кличко пойтахтда бир неча портлаш содир бўлганини тасдиқлади.
Украина ОАВларининг хабар беришича, Киевда портлашлар давом этмоқда, Днепр, Лвов, Житомир ва Киев вилоятларидаги объэктлар ҳам ҳужумга учраган.
“Киевда қизил метро линиясида поездлар ҳаракати тўхтатилди. Барча ерости станциялари бошпана сифатида ишлайди, деб хабар беради Киев мерияси. Украина оммавий ахборот воситаларининг хабар беришича, ракета ҳужумларидан кейин Лвов ва Тернополнинг баъзи ҳудудлари электр таъминотисиз қолган.
Киевга урилган ракеталардан бири Украина президенти Владимир Зеленскийнинг идораси яқинида қулаган. Бу ҳақда Украина Ички ишлар вазирлиги раҳбари маслаҳатчиси Антон Герашченко маълум қилди. Ракета қўнадиган жой яқинида СБУ идораси, шунингдек, Украина президентининг идораси жойлашган.
