Мбаппе фаолиятида илк бор пента-трикка эришди – у буни футбол бўйича Франция кубогининг 1/16 финалида амалга оширди.
Франция Кубогининг 1/16 финалидан ўрин олган сўнгги баҳсда "ПСЖ" меҳмонда 6-дивизион жамоаси “Пей де Кассел”га жавобсиз 7та гол урди. Француз йигит Роналду, Месси, Клозе ва Левандовскиларнинг ютуқларини такрорлади. Унинг ҳисобида майдондаги 7 та голдан 5 таси - (33, 34, 40, 56 ва 79-дақиқаларда) бор. Шунингдек, Мбаппе яна бир ассистни ўз ҳисобига ёздириб қўйди.
