Бугун, 23 сентябрь куни Тошкент шаҳрининг Яшнобод туманида янги қурилаётган кўп қаватли уйдан тутун чиқаётгани ҳақида хабар берилди.
Соат 15:23 да Фарғона йўли кўчасида жойлашган қурилиш объектидан тутун чиқаётгани ҳақида Тошкент шаҳар Фавқулодда вазиятлар бошқармасига хабар келиб тушган.
Шундан сўнг қутқарув техникаси воқеа жойига зудлик билан етиб борган. Текширув давомида янги қурилаётган кўп қаватли уйнинг том қисмида битум ишлари олиб борилаётгани аниқланган.
Қайд этилишича, ушбу манзилда ёнғин содир бўлмаган.
