Парижликлар келаси ёздаги кичик ўзгаришлардан сўнг жамоанинг марказий ўйинчиси бўлмоқчи бўлган беш нафар футболчини танлашга қарор қилди. Бу ҳақда “Zamon.uz” нашри хабар бермоқда.
Манбага кўра, “ПСЖ”нинг узоқ муддатли режалари орасида ҳужумчи Килиан Мбаппе, ярим ҳимоячи Марко Верратти, ҳимоячилар Нуно Мендес ва Маркинёс, шунингдек дарвозабон Жанлуижи Доннарумма бор. Эътиборлиси, юлдуз ҳужумчилар Лионел Месси ва Неймар кучли бешликка кирмаган.
35 ёшли Лионел Мессининг “ПСЖ” билан шартномаси шу ёзда якунига етади. Аргентиналик футболчи ҳали келажаги борасида бир қарорга келмаган. 31 ёшли Неймарнинг парижликлар билан шартномаси 2025 йилгача амал қилади. Аввалроқ ОАВда унинг ёзда “Челси”га ўтиши мумкинлиги ҳақида миш-мишлар пайдо бўлганди.
