Ўзбекистон миллий терма жамоаси ярим ҳимоячиси Отабек Шукуров фаолиятини Сербияда давом эттиради. У "Радник Сурдулица" клуби билан шартнома имзолади.
30 ёшли футболчи Жаҳон чемпионатидан сўнг эркин агент мақомида эди. Сербия Суперлигасида иштирок этадиган "Радник Сурдулица" Шукуровнинг трансферини расман эълон қилди.
Маълум қилинишича, Шукуров янги жамоа сафига халқаро танаффусдан кейин қўшилади. Унинг "Радник" таркибидаги дебюти чемпионатнинг кейинги турларидан бирида кутилмоқда.
"Радник Сурдулица" жорий мавсумда 10 турдан кейин 14 очко жамғарган ва турнир жадвалида 7-ўринда бормоқда. Жамоа ўз майдонида ҳали мағлубиятга учрамаган. Хусусан, Сурдулица клуби «Црвена Звезда» ва «Партизан»га қарши учрашувларда ҳам очко олган.
Шукуров Ўзбекистон миллий терма жамоаси сафида 92 та учрашув ўтказиб, 9 та гол урган. У 2026 йилги Жаҳон чемпионатида ҳам терма жамоа таркибида иштирок этган.
Терма жамоалар танаффусидан кейин "Радник Сурдулица" Лозницада "ИМТ"га қарши майдонга тушади. Шукуровнинг ушбу учрашувда янги клуби сафида дебют қилиши мумкин.
