Таҳлилчиларнинг ҳисоб-китобларига қараганда, "ChatGPT" 100 та саволга жавоб бериши учун бир литр сув сарфлайди, фақат "GPT-3" тил модели асосида "ChatGPT"ни яратиш ва ўқитиш учун кунига 700 минг литр сув керак бўлган. Бу 5000 кишилик кичик қишлоқнинг кунлик истеъмоли билан тенг демакдир. Агарда чатботни ўқитиш ва тузиш учун тахминан бир ой вақт кетган тақдирда ҳам у сарфлаган ичимлик суви миқдори қарийб Ўзбекистоннинг ярим аҳолиси истеъмол қиладиган миқдорга тенг бўларди.
Шунингдек, серверларни совитиш ва ортиқча юкламаларни енгиллаштириш учун ҳам тоза ичимлик суви талаб қилинади. "ChatGPT" серверлари кунига 320 та "Tesla" автомобилини ишлаб чиқариш учун зарур бўлган сувни сарф қилади. 2023 йил февраль ойи маълумотларига кўра, "ChatGPT" сайтига кунига 13 миллион фойдаланувчи ташриф буюради. Бу сониясига 150 киши дегани.
Фақат "ChatGPT"ни ўқитиш учун 1300 МВт/соатдан кўпроқ электр энергияси керак бўлган. Бундан ташқари, бу энергия миқдори Фарғонадан Устюртгача деярли 1600 марта бориб-келишга етади.
