Марказий банк ҳукуматнинг банк карталари ўртасидаги пул ўтказмаларидан хабардор бўлиб туришга интилишини ққўшилмаслигини айтди.
Бу ҳақда МБ раиси Мамаризо Нурмуродов 4 май куни ўтказилган матбуот анжуманида ma’lum qildi.
“Биз ўзимизнинг фикримизни матбуот орқали етказмаганимизни Марказий банк ўз фикрини билдирмаган деб баҳоламаслик керак. Биз бу фармон чиққанидан кейин ўзимизнинг салбий муносабатимизни Солиқ қўмитасига, Иқтисодиёт ва молия вазирлигига етказганмиз.
Бизнинг қарашларимиз ОАВда муҳокама қилинганидан кўра қатъийроқ. Ва биз буни етказганмиз. Бунинг асосий туб мақсади нима экани ҳақида ҳалигача маълумот олганимиз йўқ. Бу нарса 1-майдан қўлланилмайди. Энг асосийси, банк қонунчилигидаги дахлсизлик нормалари бўйича тамойиллар тўлиқ бажарилмайдиган бўлса, буни амалда қўллаш бўйича низомлар ва бошқа қарашлар Марказий банк томонидан маъқулланмайди. Чунки бу нарса Марказий банк билан келишилган низом ёки кўрсатмадан сўнг амалга ошиши керак”, – деди Нурмуродов.
Регулятор раҳбарига кўра, банклардан маълумот сўраш учун маълум бир тартиб, низом бўлиши керак, бу низом Марказий банк билан келишилмасдан банкларга етказилмайди.
