Ўзбекистон ёшлар терма жамоаси "CAFA U-20 Championship 2023" турнирида иштирок этиш учун Душанбе шаҳрига учиб кетди.
Ўзбекистон ёшлар терма жамоаси бош мураббийи Равшан Ҳайдаров U-20 Жаҳон чемпионати олдидан тайёргарлик ҳақида журналистларнинг саволларига жавоб бериб ўтди.
Маълум қилинишича, Осиё чемпионатидан кейин Испаниядаги йиғинда Бразилия, Доминикан Республикаси ва Гибралтарга қарши учрашувлар ўтказилган. Кейинчалик режа асосида жисмоний тайёргарлик, тактик ишланмалар бўйича иш олиб борилган.
Турдимуродовни ҳужум чизиғини кучайтириш мақсадида жамоага жалб этилган. Аввалги йиғинларда барча футболчиларга имконият берилиб, ўзини яхши кўрсатганлари таркибга киритилган.
Мураббий Аргентина жамаоси ҳақида қуйидаги фикрларни билдирган:
Аргентина билан ўтган йили ҳам ўйнаганмиз. Уларни сўнгги ўйинларини таҳлил қилдик, кучли ва кучсиз томонларини ўргандик ва шунга яраша тайёргарлик олиб бормоқдамиз.
Кучли рақиб, ном юзасидан ҳеч қандай босим йўқ. Чунки биз нафақат Аргентина, балки Уругвай, Бразилия ҳам билан ўйнаб, етарлича тажриба тўпладик. Шу ўринда тайёргарлик жараёнида кучли рақиблар билан ўйинлар ташкил этгани учун раҳбариятга ва халқаро алоқалар бўлими мутахассисларига миннатдорчилик билдираман.
Аввал ҳам Жаҳон чемпионатларида иштирок этганмиз. Шу сабабли олдимизга олий мақсадни қўйганмиз, қолаверса, аввалги иштирокларимиздаги натижаларимизни яхшилашни ҳам мақсад қилганмиз. Болаларнинг иштиёқи баланд, уларда ўзларига нисбатан ишонч бор. Ўйлайманки, Жаҳон чемпионатига тайёрмиз.
Биз ҳозир олисдамиз, шу сабабли мухлисларимизнинг қўллаб-қувватлашларига эҳтиёж сезамиз. Халқимиз ойнайи жаҳон орқали бизни кўриб турганини албатта ҳис қиламиз, уларнинг дуолари биз учун муҳим.
Ўзбекистон ва Аргентина ўйини эртага, 21 май саот 02:00 да бошланади.
