Хўжалик юритувчи субектларнинг 1,7 трлн сўмлик қарздорлиги ҳисобдан чиқарилди. Бу ҳақда Солиқ қўмитаси хабар бермоқда.
2023-йил 1-июн ҳолатига:
- хўжалик юритувчи субектларнинг ташқи савдо операциялари бўйича муддати ўтган дебитор қарздорлиги учун қўлланилган жарималар суммаси ҳисобдан чиқарилади;
- ушбу жарималарни ундириш билан боғлиқ суд ва ижро ишлари тугатилади.
Ташқи савдо операциялари бўйича муддати ўтган дебитор қарздорликнинг вужудга келиш муддати 2023 йил 1 июндан бошлаб янгидан ҳисобланади.
“Фаол ишбилармонлик муҳитини шакллантиришни янада рағбатлантириш, солиқ мажбуриятини бажаришда аҳоли томонидан ортиқча харажатларга йўл қўймаслик ҳамда қўшимча иш ўринларини яратишга доир чора-тадбирлар тўғрисида”ги Президент қарорнинг қабул қилиниши натижасида:
▪️2144 та хўжалик юритувчи субектларга нисбатан қўлланилган жарима бўйича юзага келган 1,7 трлн сўм миқдоридаги қарздорлик ҳисобдан чиқарилди;
▪️1631 та субектга 2,5 трлн сўм миқдорида жарима қўллаш юзасидан иқтисодий судларга киритилган аризалар кўриб чиқилиши тўхтатилади;
▪️4170 та субектга 5,5 трлн сўм миқдорида жарима қўллаш юзасидан кўрилаётган чоралар тўхтатилди.
