Июнь ойида руслар орасида нақд пулга бўлган талаб ошди. Бу ҳақда Марказий банкнинг пул-кредит сиёсати бўйича нашрида айтилади.
“Июнь ойида нақд пулга бўлган талаб ортиб, 0,5 триллион рубль миқдорида ликвидлиликнинг чиқиб кетишига олиб келди, шундан 0,1 триллион рубль 23-25 июнь кунлари тушди. Муомаладаги нақд пул ҳажмининг ошиши пул-кредит сиёсатини юритишда муаммоларга олиб келмайди. Ликвидлик билан боғлиқ чиқиб кетиш Россия банки томонидан банклар билан операцияларни амалга ошириш параметрларини аниқлашда ҳисобга олинади ", деди Марказий банк.
Марказий банкнинг июнь ойи охиридаги статистик маълумотларига кўра, 23 июнь, жума куни Вагнер асосчиси Евгений Пригожин ҳарбий раҳбариятни Вагнер лагерига ракета ҳужумида айблаганида, нақд пул миқдори Россияда муомалада 105,3 миллиард рублга ошди. Бу ўтган йилнинг 22-23 сентябридан бери нақд пулга бўлган талабнинг энг сезиларли ўсиши бўлди: Россияда қисман сафарбарлик эълон қилинганидан кейинги дастлабки икки кун ичида бу кўрсаткич 132,1 миллиард ва 114,2 миллиард рублга ошди.
