Солиқ қўмитасида Халқаро валюта жамғармаси (ХВЖ) ва Осиё тараққиёт банки (ОТБ) мутахассислари раҳбарлигида Солиқ маъмуриятчилигини диагностик баҳолаш воситаси (ТАДАТ) миссияси ўтказилмоқда.
10 июлдан 26 июлгача давом этадиган ТАДАТнинг асосий мақсади – Ўзбекистон солиқ тизимини янада ислоҳ қилиш ва такомиллаштириш бўйича чора-тадбирларни режалаштиришда ҳисобга олинадиган солиқ маъмурияти тизимининг асосий таркибий қисмлари самарадорлигини холис, стандартлаштирилган баҳолашни таъминлашдан иборат.
Солиқ хизмати фаолиятини таҳлил қилиш 9 та асосий кўрсаткичга таъсир қилади, шу жумладан, рўйхатдан ўтган солиқ тўловчилар маълумотлар базасининг яхлитлиги, хавфларни самарали бошқариш, солиқ тўловчиларга солиқ қонунчилигига риоя қилишда ёрдам кўрсатиш, солиқ ҳисоботларини ўз вақтида топшириш ва улардаги маълумотларнинг ҳаққонийлиги, солиқларни ўз вақтида тўлаш, солиқ ҳисоботларида кўрсатилган маълумотларнинг ишончлилиги, солиқ низоларини ҳал этиш тартиб-таомилларининг самарадорлиги, даромадларни самарали бошқариш, солиқ органларининг ҳисобдорлиги ва шаффофлиги.
Миссия давомида Солиқ қўмитасининг тегишли бўлинмалари мутахассислари билан учрашувлар ўтказилиб, халқаро экспертлар билан диагностик баҳолаш учун асос бўладиган масалалар муҳокама қилинмоқда.
Маълумот учун.
