Ўзбекистонлик халқаро гроссмейстер Гулруҳбегим Тоҳиржонова АҚШда энг яхши аёл шахматчи деб топилди

Миссури Университети талабаси Бегим Тоҳиржонова яқинда АҚШ шахмат федерацияси томонидан 2023 йилнинг энг яхши аёл шахматчиси деб топилди. Бу ҳақда университетнинг расмий веб-сайтида хабар берилди.

Бегим Тоҳиржонова асли ўзбекистонлик бўлиб, у халқаро гроссмейстер ҳисобланади. Шунингдек, Тоҳиржонова 2019 йилда ташкил этилган Mizzou Chess жамоаси аъзоси ҳамдир. Бегим бизнес бошқаруви йўналишида менежментга урғу бериб, тадбиркорлик ва инновациялар бўйича кичик курсни тамомламоқда ва глобал бизнес сертификатига эга.