Эронда букмекерларни реклама қилган ва қимор ўйинларида миллионлаб пул ишлаб топганини даъво қилган блогер Милад Ҳотамийни осиб ўлдиришга ҳукм қилинди. Бу ҳақда “Arbat Media” хабар берди.
Хабарда айтилишича, Ҳотамий Туркияда ҳибсга олиниб, 2021 йилда Интерпол талабига биноан Эронга экстрадиция қилинган. Эронда у икки йил суд қилинган.
Ҳозирда 959 минг обуначига эга бўлган блогернинг аккаунти блокланган. Профиль сарлавҳасида айтилишича, саҳифа фаолияти адлия органларининг буйруғи билан жиноий таркиб нашр этилгани сабабли тўхтатилган.
Айбдорлик ҳукми чиқарилганидан бери тўрт ой ўтган. Шунинг учун у аллақачон кучга кириши мумкин.
