Парижда 1 сентябрдан бошлаб электр скутерлар ижараси тақиқланади, деб хабар бермоқда RTBF. Бу қарор электр скутерлардан фойдаланиш бўйича шаҳар референдуми натижаларига кўра қабул қилинди. Парижликларнинг 89 фоизи тақиқ учун овоз берди. Шундай қилиб, Париж электр скутерларни ижарага олиш тақиқланган биринчи Европа шаҳрига айланади.
Le Figaro нашрининг ёзишича, Париж мерияси электр скутерларни ижарага бериш хизматларини кўрсатувчи учта хусусий оператор билан шартномаларни узайтиришдан бош тортган. Август ойининг охиригача скутерлардан фойдаланишингиз мумкин, операторлар сентябрь ойининг бошидан уларни Париж кўчаларидан олиб ташлашга мажбур бўлишади. Нашр маълумотларига кўра, Париж кўчаларидан жами 15 мингта ижарага олинган электроскутерлар олиб ташланади. Учала компания ҳам уларга техник хизмат кўрсатиб, кейин уларни Франциянинг бошқа шаҳарларига ва бошқа мамлакатларга жўнатмоқчи.
Апрель ойида Парижда электр скутерлардан фойдаланиш бўйича шаҳар референдуми ўтказилди. Овоз беришда 100 мингдан ортиқ парижликлар иштирок этди. Референдум натижаларига кўра, электр скутерларни ижарага олишни тақиқлашни респондентларнинг 89 фоизи қўллаб-қувватлаган.
Бундай овоз беришга шаҳар бўйлаб тарқалиб кетган скутерлар томонидан яратилган муаммолар, шунингдек, парижликлар ва шаҳар ҳокимиятининг улардан фойдаланиш хавфсизлигидан хавотирланиши сабаб бўлган. Телеканал маълумотларига кўра, 2022 йилда Парижда электр скутерларда 400 мингга яқин саёҳат қайд этилган.
