SpaceX компаниясининг тўртта астронавт бўлган Crew Dragon-6 космик кемаси Халқаро космик станцияга (ХКС) олти ойлик миссиясидан сўнг ерга қайтди, деб хабар бермоқда НАСА.
Қайтиш АҚШнинг Шарқий қирғоғи вақти билан 00:17 да Флорида штатидаги Жексонвилл яқинида содир бўлган.
Crew Dragon-6 космик кемасининг халқаро экипажи таркибига америкалик астронавтлар Стивен Боуэн ва Вуди Хобург, россиялик космонавт Андрей Федяев ва БАА астронавти Султон Ал-Неяди киради.
НАСА раҳбари Билл Нелсоннинг айтишича, экипаж ХКСга парвози давомида юзлаб илмий тажрибалар ўтказган.
“Crew Dragon-6 нинг ҳиссаси НАСАнинг Ойга қайтишига, Марсда ҳаракатланишига ва Артемида дастури орқали Ердаги ҳаётни яхшилашга ёрдам беради”, деди у.
Экипаж НАСАнинг Техас штатининг Хьюстон шаҳридаги Жонсон космик марказига боради.
