Эрон Президенти Масъуд Пезешкиён Теҳрон ва Вашингтон ўртасида июнь ойида эришилган ўт очишни тўхтатиш бўйича келишувни АҚШда ноябрь ойида ўтказиладиган оралиқ сайловлардан олдин тиклаш нияти борлигини билдирди. Бу ҳақда у БМТ Бош Ассамблеяси доирасида журналистларга маълум қилди.
"Биз бу масаланинг оралиқ сайловларгача чўзилиб кетишини истамаймиз. Америкаликлар оралиқ сайловларгача ўзаро англашув меморандумига қайтишини хоҳлаймиз",деди Пезешкиён.
Гап июнь ойида имзоланган, вақтинчалик ўт очишни тўхтатиш ва кейинчалик кенгроқ келишувга эришишни назарда тутган меморандум ҳақида кетмоқда. Келишув кейинчалик амалга ошириш масалалари бўйича келишмовчиликлар сабабли издан чиққан.
Пезешкиён, шунингдек, Эрон ядровий объектларини халқаро инспекциядан ўтказишга очиқ эканини айтди. У Теҳрон АҚШ Президенти Дональд Трамп ёки унинг оила аъзоларига суиқасд уюштиришни режалаштираётгани ҳақидаги даъволарни ҳам рад этди.
