Мўъжизавий даражада кўп ёғин ёғмаса, қишда Қирғизистон энергия инқирозига учраши мумкин

Тўхтағул сув омбори 20 сентябрь ҳолатига сўнгги 5 йилликда энг кам сув ҳажми билан қиш мавсумига кириб бормоқда. Бу ҳақда мутахассис Э. Абдулаҳатов маълум қилмоқда.

Қайд этилишича, 20 сентябрь ҳолатига Тўхтағулда 11.6 км куб сув мавжуд. Бу сўнги 5 йилликдаги мос даврга нисбатан анча кам сув ҳажми дегани, деб таъкидлайди мутахассис. 

Кузнинг кейинги икки ойида қирғиз тоғларида мўъжизавий кўп ёғин ёғмаса, қишда қўшни Қирғизистон сезиларли даражада ток танқислигини бошидан кечириши мумкин.