Сентябрь ойидаги натижаларга кўра, Ўзбекистон миллий жамоаси рейтингда 75-ўринни эгаллаган. Сречко Катанес шогирдлари аввалги ойга нисбатан бир поғона пастлади. Вакилларимизнинг Осиё қитъасидаги ўрни эса ўзгармаган – 10-ўрин.
ФИФА рейтингида ҳам ўнлик ўзгармади. Аргентина миллий жамоаси 1-ўринда бормоқда, Франция 2-ўрин, Бразилия 3-ўриндан жой олган. Фақатгина Италия Португалия билан ўрин алмашган.
Осиё жамоалари орасида эса Япония рейтингда 19-ўринга кўтарилиб, пешқадам саналади. Шунингдек, қитъада топ-10 ликдан Эрон (21), Жанубий Корея (26), Австралия (27), Саудия Арабистони (57), Қатар (61), Ироқ (70), БАА (70), Уммон (73) ва Ўзбекистон (75) жой олган.
Эслатиб ўтамиз, Ўзбекистон миллий жамоаси 10 сентябрь куни АҚШга 0:3 ҳисобида мағлуб бўлди, 13 сентябрда эса КОНКАКАФ чемпиони Мексика миллий жамоаси билан дуранг (3:3) қайд этди.
