Бугун Арманистоннинг Озарбайжонга қарши ҳарбий провокациялари ва ҳарбий ҳаракатларининг олдини олиш, тинч аҳоли хавфсизлигини таъминлаш мақсадида бошланган Ватан урушида ҳалок бўлганларни хотирлаш куни.
Хотира куни муносабати билан марказий ва маҳаллий ижро ҳокимияти органлари томонидан республика бўйлаб қатор тадбирлар ташкил этилади, хотирлаш маросимлари мамлакатдан ташқарида ҳам ўтказилади.
Ўтган йилгидек, бу йил ҳам Хотира кунида диний ибодатхоналар – масжидлар, черковлар, синагогаларда шаҳидлар чуқур ҳурмат билан ёдга олинади, Ватан ҳудудий яхлитлиги учун қурбон бўлган Ватан фарзандлари руҳига дуолар ўқилади.
Соат 12:00 да бир дақиқалик сукутда шаҳидларнинг муборак хотираси ёдга олинади.
Эслатиб ўтамиз, Президент Илҳом Алиевнинг 2020 йил 2 декабрдаги фармонига кўра, Ватан урушида қаҳрамонларча жанг қилган ва фидойилик кўрсатган аскар ва офицерларга чуқур ҳурмат белгиси сифатида ҳар йили 27 сентябр Озарбайжонда Хотира куни сифатида нишонланади.
