Бугун, футбол бўйича Осиё ўйинлари доирасида Ўзбекистон Олимпия терма жамоаси Индонезияга қарши майдонга тушди.
Учрашувнинг асосий бўлимларида жамоалар 0:0 ҳисобидаги дуранг қайд этишди. Ғолиб номи аниқланмагач, жамоалар қўшимча бўлимларга йўл олди.
Экстра таймларнинг бошида ўзбекистонликлар ҳисобни очди. 92-дақиқада Шерзод Эсанов Жасур Жалолиддиновнинг бурчакдан оширган тўпини дарвозага жойлаб қўйди.
113-дақиқада эса рақиб футболчиси Ҳуго Самир қизил карточка олиб, майдонни тарк этди. Индонезия учрашувни бир киши кам бўлиб якунлайдиган бўлди.
121-дақиқада Эсанов дублни расмийлаштирди ва учрашувга нуқта қўйди. Шу тариқа, Ўзбекистон U-23 терма жамоаси ғалаба қозониб, чорак финалга йўл олди.
Тимур Кападзе шогирдлари 1/4 финал босқичида Ҳиндистон– Саудия Арабистони жуфтлиги ғолиби билан баҳс олиб боради.
Осиё ўйинлари
Ўзбекистон – Индонезия 2:0
Гол: 1:0 — 92 Эсанов, 2:0 — 121 Эсанов.
