Яҳудийларнинг Суккот байрами бошланганидан бери 5057 нафар ақидапараст яҳудий кўчманчилар Ислом зиёратгоҳига қарши провокациялар уюштирган.
Юзлаб ақидапараст яҳудийлар яна бир бор мусулмонларнинг энг муқаддас зиёратгоҳи – Ал-Ақсо масжидига қарши фитна уюштиришди.
Суккот байрами бошланганидан буён, яъни 29 сентябрдан буён 5057 нафар ақидапараст яҳудий ислом зиёратгоҳига қарши провокациялар уюштирган.
Полиция фаластинликларнинг Ал-Ақсо масжидига киришига тўсқинлик қилиб, темир дарвоза ва йўл тўсиқлари ўрнатган.
Ал-Ақсо масжиди мусулмонларнинг биринчи қибласи ҳисобланади. Баъзи яҳудий тарихчиларнинг фикрига кўра, у шоҳ Сулаймон ибодатхонаси харобалари устига қурилган.
1994 йил 26 октябрда Исроил ва Иордания ўртасидаги келишувга кўра, Ал-Ақсо масжиди Қуддус Исломий асослар бошқармаси юрисдикцияси остидадир.
Бироқ 2003 йилдан бери яҳудийлар маъмурият рухсатини эътиборсиз қолдириб, Исроилнинг бир томонлама қарори доирасида полиция ҳамроҳлигида зиёратгоҳга кириб келган.
