Бу йил фотожурналист Салван Жоржнинг украиналик аскарнинг оиласи билан хайрлашаётгани тасвири "Йил сурати" деб тан олинди.
Мазкур расмлар 19 ноябргача Италиянинг Сиенасида кўргазмага қўйилади. Йилнинг энг яхши расмларини томоша қилиш учун Италияга бориш шарт эмас. Zamon.uz энг яхши расмлар фотогалереясини тақдим этади.
"Йил сурати": "Георгий", муаллиф - Салван Жорж.
Расм 2022 йилнинг 5 март куни олинган. Георгий Кебурия оиласини хавфсизроқ жойга - Львовга юбормоқда. Юзлаб одамлар поездга ўтиришга уринмоқда. Айни пайтда сурат қаҳрамонига ўхшаган эркаклар қолиб, ватанини ҳимоя қилиши керак.
"Саёҳат ва саргузаштлар": "Анъаналарга содиқлик", муаллиф - Шиджит Онден Чериат.
Ҳар йили қишда туябоқарлар Умм-аль-Қувайн (БАА)да туяларини денгизда чўмилтиради. Улар шўр сув жониворларни турли паразитлардан ҳимоялайди деб ҳисоблашади.
"Саёҳатлар ва саргузаштлар", фахрий сурат: "Сўнаётган Готипуа", муаллиф - Лукас Драгоне.
Готипуа - Ҳиндистоннинг Орисса штати аҳолисининг анъанавий рақс туридир. У асрлар давомида ўғил болалар томонидан ижро этиб келинган. Аммо бугунга келиб бу санъат тури унутилиб бормоқда.
"Документалистика ва фотожурналистика": "Херсонлик бола", муаллиф - Андраш Д. Хайду
2022 йилнинг 11 ноябрида украиналик аскарлар Херсонни Россия қамалидан қутқарди. 13 ёшли Глеб исмли бола Украина президенти Владимир Зеленский нутқини диққат билан тингламоқда.
"Документалистика ва фотожурналистика", 2-ўрин: "Афғонистонда болалар меҳнати", муаллиф - Вейкен Оливер.
Суратда Чинаракдаги ноқонуний кўмир конида ишловчи болакай тасвирланган. Ҳар куни 10 ёшдан 60 ёшгача бўлган кончилар ҳаётини хавф остига қўйиб бу ерга ишлашга келади.
"Мафтункор чеҳралар": "Отишмада", муаллиф - Мэтт Макклейн.
10 ёшли Алина Стокс ва укаси, 5 ёшли Брайсон болалар учун қуролдан хавфсиз фойдаланиш дарсида.
"Мафтункор юзлар": "мухлислар", муаллиф - К Асад.
Бангладеш, 2022 йил 1 декабрь. Дакка университетига йиғилган минглаб мухлислар Аргентина ва Польша матчини катта экранда томоша қилмоқда.
"Табиат гўзаллиги": "Янги авлод", муаллиф - Фабио Савини.
"Табиат гўзаллиги": "Гигантнинг уйғониши", муаллиф - Франциско Негрони.
Суратда Чилидаги энг йирик Вильяррика вулқонининг фаоллашиши тасвирланган. Бунгача у 7 йил давомида уйқуда бўлган.
"Ҳайвонлар оламида": "Шерлар паради", муаллиф - Тори Хилли.
Замбиядаги саваннага қурғоқчилик мавсуми бошланиши билан шерлар атроф-муҳитга сингиб кетади. Тори уларни суратга олишга келганда икки қатор бўлиб юраётган шерлар тўдасига дуч келди.
"Ҳайвонлар оламида": "Гуллаётган тушлар", муаллиф - Мартин Грегус.
"Спорт": "Қўлингдан келса, мени тутиб ол", муаллиф - Сэмюэл Барнс.
АҚШ терма жамоаси аъзоси Грант Холлоуэй Белграддаги енгил атлетика жаҳон чемпионатида қатнашмоқда. У 60 метрга тўсиқлар билан югуришни 7,29 сонияда якунлаб жаҳон рекордини янгилади.
"Спорт": "Булут", муаллиф - Фабрис Герен.
"Кўча тасвири": "Денгиз бўйида", муаллиф - Бенуа Сегален.
Франциянинг денгизбўйи шаҳарчаларидан биридаги ёқилғи қуйиш шохобчаси сувга сакраш учун трамплипга айланган. Бу ердан болалар сувга сакрашни амалга оширади.
"Сув остидаги ҳаёт": "Балиқ еяётган балиқ", муаллиф - Лилиан Кох.
Суратдаги балиқ овчининг чангалидан чиқиб, қочиб кетишга муваффақ бўлган.
"Сув остидаги ҳаёт", 2-ўрин: "Омма назорати", муаллиф - Энди Шмид.
