ФИФА кунлари доирасида Далянда Хитой ва Ўзбекистон миллий терма жамоаси ўртасидаги ўртоқлик учрашуви бўлиб ўтди. Унда Ўзбекистон Хитой устидан ғалабага эришди.
Дастлаб ҳисоб 41-дақиқада мезбонлар вакили Шихао томонидан очилди – 1:0.
Иккинчи бўлимда Сречко Катанетс шогирдлари ҳисобни тенглаштиришга муваффақ бўлишди. 78-дақиқада кетма-кет ҳужумлардан кейин Аббосбек Файзуллаевга нисбатан ишлатилган қўполлик пеналти билан якунланди. Отабек Шукуровнинг 11 метрлик жарима зарбасини дарвозабон қайтарди, қайтган тўпни эса Отабекнинг ўзи дарвозага киритди – 1:1.
Шунингдек, ўйиннинг 86-дақиқасида Жамшид Искандеров Ўзбекистонга ғалаба келтирган гол муаллифига айланди – 2:1.
Шу тариқа, миллий жамоамиз Хитойдаги йиғиндан икки ғалаба билан қайтишди. Дастлаб Виетнам, иккинчи баҳсда эса Хитой мағлуб этилди.
