Бразилияда мактабда содир бўлган отишмада ўсмир ҳалок бўлди, яна икки ўқувчи жароҳат олди, деб ёзади “Zakon.kz”.
Воқеа Сан-Паула штатининг шарқий зонасидаги давлат мактабида содир этилган.
"Давлат мактабига 15 ёшли ўқувчи қуролланиб келиб, ўқувчиларни отиб ташлади. Жабрланганлардан бири бошидан жароҳат олган ва вафот этган", - дейилади хабарда.
Сан-Паула ҳукуматига кўра, гумонланувчи воқеа жойида қўлга олинган.
Штат раҳбарлари воқеадан афсусда эканликларини билдириб, қурбонларнинг оилаларига ёрдам бериш устувор вазифа эканини айтишди.
Аввалроқ Сербия пойтахти Белградда еттинчи синф ўқувчиси отасининг тўппончасидан мактаб ўқувчиларига қарата ўт очгани хабар қилинганди. ОАВ ўшанда 9 киши ҳалок бўлганини маълум қилган.
