Қозоғистон президенти Қосим-Жомарт Тўқаев ўз ватандошларини “тарихий адолат”га риоя қилишга ва республиканинг собиқ раҳбари Нурсултон Назарбоевнинг хизматларини унутмасликка чақирди, дея хабар бермоқда "Акорда"
“Биз тарихий адолатга қатъий амал қилишимиз керак. Шу боис мамлакатимизнинг мустақил давлат сифатидаги пойдеворини мустаҳкамлашга улкан ҳисса қўшган Биринчи Президент Нурсултон Абишевич Назарбоевнинг тарихий ролини алоҳида таъкидлаш тўғри бўларди”, — деди у Республика куни муносабати билан давлат мукофотларини топшириш маросимида.
“Бугун биз адолатли Қозоғистонни қурмоқдамиз, шунинг учун ўтмиш арбоблари, уларнинг меҳнати ва хизматлари муносиб ва адолатли баҳоланиши керак”, деди президент.
Эслатиб ўтамиз, февраль ойида Токаев Назарбоев, шунингдек, унинг оила аъзоларининг мақоми ва имтиёзларини тартибга солувчи қонунчилик нормасини бекор қилувчи қонунни имзолаган эди, яъни у Элбаси (миллат етакчиси) мақомидан маҳрум қилинган эди. Шунингдек, аввалроқ у Нурсултон Назарбоев университети, Назарбоев интеллектуал мактаблари ва Назарбоев жамғармаси олий васийлик кенгаши раҳбари мақомини ҳам йўқотган эди.
