Хитой раҳбари Си Цзиньпин 6 йил ичида АҚШга илк ташрифини бошлади, деб хабар бермоқда Reuters.
Уни Сан-Франциско халқаро аэропортида Калифорния губернатори Гэвин Ньюсом, АҚШ молия вазири Жанет Йеллен ва бошқа АҚШ вакиллари кутиб олди.
Хитой раҳбари бугун Сан-Францискода АҚШ президенти Жо Байден билан учрашиши, сўнг Осиё-Тинч океани иқтисодий ҳамкорлиги йиллик саммитида иштирок этиши керак.
Унинг Байден билан учрашуви уларнинг 2021 йилда АҚШ президенти инаугурациясидан кейинги иккинчи юзма-юз учрашув бўлади.
Бу йилги Саммит 11-17 ноябрь кунлари Калифорниянинг Сан-Франциско шаҳрида бўлиб ўтади.
