Россия раҳбари сафарбарлик мавзусига тўхталар экан, иккинчи тўлқинга эҳтиёж йўқлигини айтди. Бу ҳақда Россия президенти Владимир Путин тўғридан-тўғри эфирга узатилган матбуот анжуманида маълум қилган.
Путиннинг сўзларига кўра, қисман сафарбарлик пайтида улар 300 минг кишини ёллашга муваффақ бўлган, шундан сўнг расмийлар шартнома асосида ҳарбий хизматчиларни ёллашга ўтган. Кеча 486 минг киши армия сафига қўшилган. Ўз ватанини ҳимоя қилишга тайёр бўлган эркаклар оқими эса камаймаяпти, ҳар куни 1,5 минг киши кўнгилли хизмат қилади, деди Россия Федерацияси Президенти.
Йил охиригача Россия Қуролли кучлари сафига ярим миллионга яқин кўнгиллиларни жалб этиш режалаштирилган, дея қўшимча қилди Путин.
Шу билан бирга, Россия президенти Украина билан муносабатларда содир бўлаётган воқеалар биродарлар ўртасидаги фуқаролар урушига ўхшаб кетаётганини таъкидлаб, руслар ва украинларни “ягона халқ” деб атади.
Украина можаросига Ғарбнинг "Россия чегаралари томон ўрмалаб, Украинани НАТОга олиш"га бўлган чексиз истаги сабаб бўлди, деб ҳисоблайди у.
