Россиядан 2023 йилда Тожикистонга ташриф буюрган сайёҳлар сони 2022 йилга нисбатан 92,8 фоизга ошиб, 262,4 минг кишига етди. Бу ҳақда Тожикистон ҳукумати ҳузуридаги Туризмни ривожлантириш қўмитаси журналистларига маълум қилди.
Тожикистон Ички ишлар вазирлиги туристик полицияси раҳбари Дилафруз Каримованинг таъкидлашича, россиялик сайёҳлар республика қонунчилигига риоя қиладилар ва уларни энг аввало тоғлар қизиқтирмоқда. Мамлакатда рус сайёҳлари томонидан содир этилган ҳуқуқбузарлик ва ўзини адекват тутиш ҳолатлари бўлмаган. Сайёҳларнинг аксарияти альпинистлар.
Шу билан бирга, Ўзбекистондан Тожикистонга ташриф сони – 805,9 минг киши ёки 2022 йилга нисбатан 15 фоизга кўп. Қозоғистондан сайёҳлар оқими ҳам ўсиб, 31,8 фоизга – 31,5 минг кишига, Туркиядан 61,2 фоизга – 10,8 минг кишига етган. Тожикистонга сайёҳлар сонининг энг кўп ўсиши Хитойдан кузатилди – республикага ушбу мамлакатнинг 13 минг фуқароси ташриф буюрди, бу 2022 йилга нисбатан 4,9 баробар кўпдир, дея таъкидлади қўмита.
