КХШТ машқлари 2024 йил кузида Қозоғистон, Қирғизистон ва Тожикистон ҳудудида бўлиб ўтади. Бу ҳақда ташкилот Бирлашган штаб раҳбари Андрей Сердюков маълум қилди.
Унинг сўзларига кўра, Қозоғистонда КХШТ тинчликпарвар кучлари иштирокида “Бузилмас биродарлик – 2024” қўмондонлик-штаб ўқув машғулотлари ташкил этилади.
Қирғизистонда КХШТнинг “Ўзаро ҳамкорлик-2024” жамоавий тезкор ҳаракат қўшинлари билан қўмондонлик штаб-квартираси машқлари, “Қидирув-2024” махсус разведка машғулотлари ва КХШТ қўшинлари моддий-техника таъминоти кучларининг “Эшелон-2024” махсус машғулотлари бўлиб ўтиши режалаштирилган.
Тожикистонда Марказий Осиё минтақаси (ЖАР) Тезкор ҳаракат коллектив кучлари қўмондонлиги билан тезкор машғулот ва “Рубеж-2024” қўшма машғулотлари бўлиб ўтади.
Сердюковнинг таъкидлашича, машғулотларнинг фаол босқичларида КХШТга аъзо бўлмаган бошқа давлатлар, шунингдек, халқаро ташкилотлар вакиллари ҳам кузатувчи сифатида иштирок этиши кутилмоқда.
