Россия Мудофаа вазирлиги ўрмон боғига туташган “Ватан ҳимоячилари пантеони” ҳарбий қабристони кенгайтириш учун Москва вилоятининг Митишчи шаҳар туманидаги Пироговский ўрмон боғининг 17 гектар майдонини ўз фойдаланишига олди. Бу ҳақда “Новая газета Europe” хабар берди.
Мудофаа вазирлигининг Россия Федерациясидаги энг йирик ҳарбий қабристонни кенгайтириш бўйича режалари, аввалроқ, Митишчи шаҳар округи маъмурияти томонидан тасдиқланган.
Февраль ойида Вконтакте ижтимоий тармоғидаги маҳаллий гуруҳда пост пайдо бўлди, унда Митишчи фаоллари туман раҳбари Юлия Купетскаянинг “пантеон” га туташган 17 гектар ўрмонни фойдаланишга топшириш қарори ҳақида хабар беришди. Туман маъмурияти вакиллари изоҳларда бу Россия Мудофаа вазирлиги ташаббуси билан содир бўлганини тушунтиришди.
Шу билан бирга, мусодара қилинган ҳудуд Мудофаа вазирлиги объектлари билан ўралган, шунинг учун унга кириш, шу жумладан келажакдаги муниципал қабристон ҳудудига ҳам кириш тақиқланган, дея таъкидлади Митишчи маъмурияти. Шу билан бирга, туман ҳокимияти бу ҳудуд ўрмон боғи таркибига кирмаганини даъво қилмоқда.
