Владимир Путин янги олти йиллик муддатга Россия президенти лавозимига расман киришди. Бу ҳақда Конституциявий суд раиси Валерий Зоркин маълум қилди.
Путин халққа қасамёд қилди. Зоркин Путинга президентлик ҳокимияти рамзларини, жумладан, президентлик нишонини – Россия Федерацияси герби ва Авлиё Георгийнинг олтин хочини топширди.
Бу Путиннинг давлат раҳбари сифатида бешинчи муддатга сайланиши. Унинг дастлабки икки муддати тўрт йил давом этди. Россия Конституциясига ўзгартиришлар киритилгандан сўнг, давлат раҳбарининг ваколати 6 йилга узайтирилди.
Путин ўзининг биринчи олти йиллик муддатини 2012 йилда, иккинчи муддатини 2018 йилда бошқарган. 2020 йилда Асосий қонунга киритилган ўзгартиришлардан сўнг у 2024 йилги сайловларда иштирок этиш имкониятига эга бўлди ва бу сайловда рекорд даражадаги 87,28% овоз билан ғалаба қозонди.
Путиннинг амалдаги ваколати 2030 йил 7 майда тугайди.
