1

Шавкат Мирзиёев Эрон президенти ҳалок бўлгани муносабати билан ҳамдардлик билдирди

ДУНЁ 20.05.2024, 13:24
Шавкат Мирзиёев Эрон президенти ҳалок бўлгани муносабати билан ҳамдардлик билдирди

Давлат раҳбари Эрон халқига, марҳумларнинг оила аъзолари ва яқинларига чуқур таъзия изҳор этди. Бу ҳақда Президент матбуот хизмати хабар берди.

Ўзбекистон Республикаси Президенти Шавкат Мирзиёев Эрон шимолида юз берган фожиа оқибатида Эрон Ислом Республикаси Президенти Иброҳим Раисий ва унга ҳамроҳлик қилган шахсларнинг вафот этгани муносабати билан ушбу мамлакат Олий диний раҳбари оятуллоҳ Али Хоманеийга ҳамдардлик билдирди. 

Мактубда, жумладан, Ўзбекистон ва Эрон ўртасидаги кенг қамровли ҳамкорликни, ўзаро манфаатли ва узоқ муддатли шериклик муносабатларини ривожлантиришга улкан ҳисса қўшган Иброҳим Раисийнинг ёрқин хотираси халқларимиз қалбларида доимий сақланиб қолиши таъкидланади.  

Давлатимиз раҳбари дўст Эрон халқига, марҳумларнинг оила аъзолари ва яқинларига чуқур таъзия изҳор этди.

Шарҳлар

Об-ҳаво: Тошкент
Валюта курси
1