Оилавий жанжаллар сабабларга кўра оилалар ажрашганда, кўп ҳолларда аёл киши ота уйига кетишга мажбур бўлади. Турмуш ўртоғидан, яшаб турган уйидан ажраган аёлни ота уйида хам қучоқ очиб кутиб олмаслигини табиий ҳол. Онаизор руҳан ва маънан соғлом бўлсада, жондан азиз фарзандидан ҳам айириш ҳоллари учраб туради.
Хусусан, Фуқаролик ишлари бўйича Жиззах туманлараро судининг фуқаро З.А. ни Ш.Рашидов туманидаги келинлик уйига мажбурий тартибда киритиш ҳамда турмуш ўртоғи С.Ф. дан қизини олиб бериш тўғрисидаги ижро варақаси МИБнинг Ш.Рашидов туман бўлими иш юритувига келиб тушган.
Давлат ижрочиларининг ҳаракатлари билан фуқаро З.А. келинлик уйига киритилди ҳамда жондан азиз қизалоғи онаси бағрига олиб берилди.
Оналар ўз яқинлари, оиласи, бола учун ўз жонини фидо қилишга ҳам тайёр. Меҳр кўзда дейишади, энди оила ярашиб кетса ажаб эмас.
